Underfest Xacobeo 2025 presenta a súa 8ª edición cunha aposta cultural que expande o festival máis alá dos escenarios

O Underfest Xacobeo chega en 2025 á súa oitava edición consolidado como unha das citas máis especiais da música alternativa en Galicia. Un festival que sempre apostou por fuxir dos carteis repetitivos, colocando en primeiro plano a experiencia musical, a proximidade cos artistas e a diversidade estética. Este ano, ademais, reforza a súa dimensión cultural con dúas actividades complementarias que achegan arte, educación musical e comunidade: a exposición Rock This Town, centrada na obra gráfica do mítico Daniel Johnston, e un concerto pedagóxico para máis de 500 nenos do Colexio Salesianos.

Daniel Johnston, por primeira vez en Galicia

A exposición Rock This Town, comisariada pola Galería Maraca, aterrará en Vigo con preto de 50 debuxos orixinais de Daniel Johnston, unha figura esencial do underground estadounidense. O artista —coñecido polas súas gravacións en cassette, pola fragilidade emocional das súas letras e polo seu universo visual inocente e desbordante— converteuse ao longo das décadas nun referente para xeracións de músicos e ilustradores.A mostra permitirá ver de preto pezas icónicas, incluíndo representacións de Jeremiah the Innocent, a emblemática rá de ollos enormes que simbolizou a vulnerabilidade e a tenrura do seu traballo. É unha oportunidade única para achegarse á obra dun creador que influíu en figuras como Kurt Cobain, Sonic Youth ou Tom Waits, e que define á perfección esa fronteira difusa entre música, arte e confesión persoal.

Música para as novas xeracións: Black Stereo nos Salesianos

O festival tamén levará a música en directo ao Colexio Salesianos, onde máis de 500 rapaces asistirán a un concerto da banda galega Black Stereo. O obxectivo é sinxelo e apaixonante: achegar ao público máis novo o Soul, o Funk e o Rhythm & Blues, estilos que forman parte do ADN da música moderna pero que ás veces quedan fóra do seu contorno inmediato, dominado por produtos de consumo rápido e pola lóxica dos algoritmos.Aretha Franklin, Stevie Wonder, Amy Winehouse e moitos outros clásicos soarán nunha mañá pensada para estimular a curiosidade, reivindicar a música orgánica e deixar a semente da experiencia en vivo. Para moitos destes nenos será o seu primeiro concerto fronte a unha banda real. É difícil pensar nun mellor inicio.

Un cartel diverso para tres días intensos

Do 13 ao 15 de novembro, Vigo volverá encherse de música con 22 artistas repartidos por 14 localizacións distintas. Entre os nomes destacados están:The Psychedelic Furs, lenda viva da new wave británicaRinôçérôse, unha das propostas francesas máis singulares das últimas décadasDewolff, psicodelia neerlandesa en estado puroWe Are Scientists, indie rock estadounidense de gran recorridoTahiti 80, referentes do pop francésChucho e Sr. Chinarro, dous nomes clave do indie estatal.

Ademais de artistas rupturistas como Paco Pecado, Nestter Donuts, Los Manises, Vacaciones Permanentes, Rizha ou Nenu, e a representación galega de The Freebillies e Incurable.A programación ábrese o día 13 coa inauguración da exposición e co concerto de Incurable na Galería Maraca, seguido de Cápsula en Radar Estudios.Como vén sendo habitual, o festival ampliarase co ciclo “Bites”, que este ano traerá a The Tubs (21 de novembro), Cracker (23 de novembro) e ao prestixioso Patrick Watson (17 de xaneiro, Santiago).

Un festival que medra sen perder a esencia

En sete edicións consecutivas con abonos esgotados, o Underfest foi construíndo un espazo propio no circuíto galego: salas pequenas, artistas de prestixio internacional e unha aposta inequívoca pola calidade sobre o volume. O recoñecemento chegou en 2024, cando o festival recibiu o premio a Best Indoor Festival nos Iberian Festival Awards.A edición de 2025 reafirma esta liña: diversidade musical, escenarios singulares e programación pensada para o público que busca algo distinto. Grazas ao apoio da Xunta de Galicia —no marco de Concertos do Xacobeo—, da Deputación de Pontevedra e da colaboración de SON Estrella Galicia, o festival segue fortalecendo a súa identidade.

Entradas e información

Os abonos completos, abonos de salas e entradas de día están esgotados.Aínda quedan entradas soltas para The Psychedelic Furs en Ataquilla.Máis información:👉 festivalunderfest.es👉 Instagram: @festivalunderfest👉 Facebook: Festival Underfest