Ari[t]mar abre a votación para escoller a Mellor Canción de 2025 na Galiza e Portugal

Ari[t]mar activa a votación para escoller a Mellor Canción de 2025 na Galiza e en Portugal. O proxecto didáctico e cultural que conecta ambos territorios abre agora ao público unha decisión que tamén é unha declaración de vínculos. Música feita en galego e portugués dialogando de igual a igual.

O xurado vén de preseleccionar 10 cancións galegas e 10 portuguesas que competirán polo recoñecemento ás mellores do ano pasado. Dende o venres 27 de febreiro de 2026 xa se poden escoitar todas as finalistas na web aritmar.gal e emitir o voto. O prazo permanecerá aberto ata o 27 de marzo ás 23:59.

Na categoría galega figuran:

• Vitoria, de Chicharrón
• E se queres, de Faia
• De paso en Portugal, da Familia Caamagno
• Vou pa Arzúa, de Grande Amore
• A palabra como arma, de Hugo Guezeta
• Perdín a Memoria, de MJ Pérez
• O pobre non tem, o rico não dá, da Orquestra Bravú Xangai
• A Xeitosa, de Sheila Patricia
• Todo o mundo contra min, dos Ulex
• E Será por Flores, de Uxía

Na categoría portuguesa optan ao premio:

• Tigre I, de A Garota Não e Sérgio Mendes
• Não é Tarde, Nem é Cedo, de Buba Espinho e Miguel Araújo
• Respirar, de Calema e Sara Correia
• Balada do País que Dói, de Carminho
• Brinde (16hoo), de Carolina Deslandes
• Tu e a Lua, de MAR e Carolina Deslandes
• Quem quer dizer adeus, de Márcia
• Santa, de MimiCat
• Mulher dos Teus Sonhos, de Nena
• Nena, de Joana Almeirante

Ari[t]mar continúa así fortalecendo unha ponte cultural que leva anos xerando comunidade arredor da lingua e da creación contemporánea. Agora a decisión pasa ás mans do público. Un mes para escoitar con calma e votar con criterio.