Bala arrinca en A Coruña a xira das reedicións de Human Flesh e Lume

A banda galega Bala pon en marcha esta fin de semana en A Coruña a xira de presentación das reedicións de Human Flesh (2015) e Lume (2017), dous discos que axudaron a definir unha maneira de entender o ruído.

O primeiro concerto terá lugar o 28 de febreiro na sala Playa Club, nunha data especial por abrir o percorrido nunha cidade clave para o grupo. A partir de aí, a xira levaraas por Bilbao, Granada, Hondarribia, Asturias, Málaga, Valencia, Castellón, Meaño, Las Palmas e Madrid, con máis citas aínda por anunciar.

Estas reedicións recuperan o momento no que Bala consolidou unha identidade propia dentro do rock máis contundente, combinando riffs afiados, unha base rítmica sólida e unha actitude que sempre colocou o directo no centro da súa proposta. Volver sobre Human Flesh e Lume tamén permite revisar o camiño percorrido: dende a escena underground ata os grandes festivais, mantendo unha personalidade recoñecible.

As entradas para os concertos están dispoñibles na web oficial da banda. A xira preséntase como unha oportunidade para reencontrarse cun repertorio que marcou unha etapa e que segue soando actual, coa intensidade intacta.

Datas confirmadas:

• 📍 28/02/2026 – A Coruña, Playa Club
• 📍 06/03/2026 – Bilbao, Bilborock
• 📍 14/03/2026 – Huétor Tájar (Granada), Espárrago
• 📍 03/04/2026 – Hondarribia, Psilocyben(e)a
• 📍 04/04/2026 – Piloña (Asturias), Primavera Rural Festival
• 📍 18/04/2026 – Pizarra (Málaga), Al Andalus
• 📍 05/06/2026 – Valencia, Jardins de Vivers
• 📍 20/06/2026 – Castellón, Concerts del Pinar
• 📍 25/07/2026 – Meaño (Pontevedra), Sachaso Rock
• 📍 11/09/2026 – Las Palmas de Gran Canaria, LPA Beer Music Festival
• 📍 02/10/2026 – Rivas (Madrid), Pirata Madrid Fest

A banda anunciou que haberá máis concertos por confirmar nas próximas semanas.